Translate to your language
Qarax ka dhacay Muqdisho — Mareeg.com somalia, World News and Opinion.
Mareeg Media
Somalia

Qarax ka dhacay Muqdisho

Warar dhaaraad ah ayaa ka soo baxaya khasaaraha ka dhashay Qarax maanta ka dhacay Degmada Howlwadaag ee Magaalada Muqdisho.

Qaraxa oo Miino ahaa ayaa la sheegay in uu ka dhacay agagaarka Masjidka Biimaalow degmada Howlwadaag ee gobolka Banaadir.

Dad goobjoogaayaal ah ayaa sheegay in Miinada la dhigay wadada dhinaceeda, islamarkaana ay waxyeelo ka soo gaartay dad rayid ah.

Inta la xaqiijiyay waxaa qaraxaasi ku dhaawacmay illaa saddex qof oo dhammaan ahaa dad shacab ah.

Dadka dhaawacmay ayaa lagu soo warramayaa in ay ahaayeen Farsamayaqaano ka shaqeynayay goob ku taalla halkaasi.

Ciidamo ka tirsan kuwa amniga ayaa gaaray meesha ay wax ka dhaceen, kuwaas oo baaritaano kooban ka sameeyay halka uu qaraxu ka dhacay.

Shalay ayey aheyd markii qarax miino oo ay waxyeelo ka soo gaartay dad rayid ahaa uu ka dhacay degmada Dayniile gobolka Banaadir.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!