Puntland oo soo bandhigtay 3 rag ah oo ka tirsan Alshabaab

Mareeg.com: Maamulka Puntland ayaa maanta magaalada Boosaaso kusoo bandhigay 3 nin oo ay sheegeen iney ka tirsanaayeen Alshabaab, gaar ahaan qeybta buuralleyda Golls.

Magacyada ragga lasoo bandhigay ayaa magacyadooda lagu kla sheegay Mukhtaar C/nuur oo ku magac dheer Axmad Guray, taliyihii Al-Shabaab ee buuraha Golis, C/waaxid Cali Kamaa-diid iyo Guuleed Bashiir.

Taliyaha ciidanka booliska Puntland, Maxamad Saciid Jaqanaf oo saxaafadda kula hadlay gudaha saldhiga booliska ayaa sheegay in magaalada laga sameeyey hawlgal ballaaran oo lagu sugayey amniga, iyadoo la soo qab-qabtay dad fara badan, qaarkoodna la sii daayey baaritaano lagu sameeyey kadib halka kuwa kalena weli ay ku socdaan baaritaan.

IMG_0331

Mid ka mid ah 3-da nin ee lasoo bandhigay oo lagu magacaabo Axmad Guray oo  la hadlay warfidiyeenada ayaa sheegay xilligii la soo qabanayey in uu isaga baxay Shabaab, isla markaana ciidanka Puntland ay ka soo qabteen magaalada Garowe.

IMG_03171

“Waxaan ku biiray Shabaab markii meesha laga saaray xoogagii Maxaakiimta ilaa xilagaasi waan ka mid ahaa, waxaana ahaa taliyaha ciidanka ee aaga buuraha Caalmadaw” ayuu hadalkiisa ku daray Mukhtaar C/nuur.

Xalay ayaa booliska Puntland baaritaan xoog leh ka sameeyeen magaalada Boosaaso, iyagoo soo qabtay ilaa 200 dhallinyaro ah, kuwaasoo qaarkood lasii daayey.

Mareeg Media
About A warsame 9751 Articles
Published by A Warsame .He can be reached by news@mareeg.com or Mobile :+447737886245