Pakistan: Qaraxyo ka dhacay Kaniisado ku yalla Lahore oo dad badan galaaftay * Mareeg.com somalia, World News and Opinion.
Mareeg Media
Somalia

Pakistan: Qaraxyo ka dhacay Kaniisado ku yalla Lahore oo dad badan galaaftay

Mareeg.com: Ilaa 10 qof ayaa ku dhintay, 55 kalana wey ku dhaawacmeen laba qarax oo ka dhacay laba kaniisadood oo ku yaalo magaaalada Lahore ee dalka Pakistan, sida ay sheegeen shaqaalaha caafimaadka iyo warbaahinta gudaha Paskitan.

Qaraxyadan mataanaha ah waxa ay dhaceen xili mashquul badan, iyadoo dad badan ay ku cibaadaysanayeen kaniisadaha maanta oo axad aheyd.

Bulshada masiixiga ee Pakistan waxaa inta badan bartilmaameedsada mintidiinta Islaamiyoonta ee dalkaas ka jira.

Koox ku xiran Talibaan oo la magac baxday Jamaacatul Ahraar ayaa sheegatay in ay weerarkaasi ka dambeysay. Wararka ayaa sheegaya in labo ruux oo ismiidaamiyey ay qaraxyada geysteen.

R/wasaaraha dalka Pakistan Nawaz Sharif ayaa cambaareeyey weeraradaas, wuxuuna laamaha amaanka ugu baaqay iney sugaan nabadgelyada muwaadiniinta.

Dadka Kiristanka ah ee dalka Pakistan ayaa lagu sheegay 2% bulshada dalkaas oo tiradooda lagu sheego ilaa 180 Milyan.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More