Xildhibaanada Golaha Shacabka ee Baarlamaanka Federaalka Soomaaliya ayaa maanta waxaa lagu waday in ay kulan ku yeeshan Xarunta Golaha Shacabka ee Muqdisho,balse waxaa uu u baaqday Kooram La’aan.
Kulankan ayaa waxa ay Xildhibaanada Baarlamaanka Soomaaliya uga doodi lahaayeen sii wadista dooda ku saabsan dib u eegista xeer hoosaadka Golaha Shacabka.
Xildhibaanada Golaha Shacabka ee Baarlamaanka Federaalka Soomaaliya ayaa waxaa xalay lagu wargeliyay in uu jiro Kulanka Baarlamaanka maanta oo ay taariikhdu ku began tahay 26-ka bisha September 2018.
Waxaa lagu waday in kulanka uu Shir guddoomiyo Guddoomiyaha Golaha Shacabka Maxamed Mursal Sheekh C/raxmaan,balse Xildhibaanada Baarlamaanka ayaa soo xaadiri waayay kulanka,waxaana uu u baaqday Kooram La’aan.
