Nigeria: Magaalo laga qabsaday Boko Haram oo laga helay meydadka 70 ruux

Ugu yaraan maydadka 70 qof ayaa laga helay duleedka magaalada Damasak ee waqooyi bari Nigeria oo dhawaan laga qabsaday kooxda Boko Xaraam.

Goobjoogayaal ayaa sheegay in maydadka ay u muuqdaan in kol hore la dilay. Qaarkood qoorta ayaa laga jaray, ugu yaraan mid kamid ahna jirkiisa cad-cad ayaa loo jarjaray.

Magaaladan Damasak, oo u dhaw xadka uu dalkaasi la wadagaao Niger waxa ay gacanta ugu jirtay kooxda Boko Xaraam tan iyo bishii November.

Balse ciidamo ka socdo Niger iyo Chad ayaa kooxda ka saaray magaaldaasi isbuucii la soo dhaafay.

Boko Xaraam waxa ay kumanaan qof ku dishay Waqooyiga dalka Nigerai, halkaasi oo ay doonayaan in ay ku soo rogaan shareecada Islaamka.

About A warsame 9751 Articles
Published by A Warsame .He can be reached by news@mareeg.com or Mobile :+447737886245