Nigeria: Jen. Buhari oo ka codad badan G. Jonathan * Mareeg.com somalia, World News and Opinion.
Mareeg Media
Somalia

Nigeria: Jen. Buhari oo ka codad badan G. Jonathan

Mareeg.com: Waxa la shaaciyey kala bar natiijada doorashada dalka Nigeria, ilaa haatanna waxa ku horeeya hogaamiyaha isbahaysiga ugu weyn mucaraadka Jen. Muhammadu Buhari, BBC ayaa sidaas qortay.

Waxay is hayaan madaxweynaha talada haya Goodluck Jonathan, kaasoo la aaminsan yahay inuu wax ka qaban waayey amaan darrada ka jirat dalka Nigeria.

Guddiga doorashada ee Nigeria ayaa waxa uu shaaciyey Natiijada 19 gobal oo ka mid ah 36-ka gobal ee ay ka kooban tahay Nigeria.

Codad gaaraya 2 milyan ayuu ku horeeyaa Jen. Buhari. Waxa la filayaa in maanta la shaaciyo natiijada rasmiga ah ee kama dambeysta ah.

Ciddii guulaysata waxay u baahantahay in ay hesho tirada ugu badan codadka la dhiibtay iyo in boqolkiiba 25 ay ka hesho ugu yaraan 24 gobal.

Waa doorasho si aad ah la isugu dhow yahay, ilaa haatanna ma jirto cid sheegatay in laga guulaystay ama in ay guulaysatay.

Kormeerayaasha beesha calaamka ayaa aad u amaanay qaabka ay doorashada u dhacday, iyadoo Britain iyo Mareykanka ay ka digeen faragelin siyaasadeed oo lagu sameeyo tirinta iyo isu geegeynta natiijada.

Haddii isbahaysiga mucaaradka uu guulaysto, waxay noqonaysaa markii ugu horaysay muddo 16 sano ah oo mucaaradka uu awooda la wareego Nigeria.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!