Nabad Sugidda gobolka Banaadir oo galabta xabsiga dhigtay siyaasi (Waa kuma?) * Mareeg.com somalia, World News and Opinion.
Mareeg Media
Somalia

Nabad Sugidda gobolka Banaadir oo galabta xabsiga dhigtay siyaasi (Waa kuma?)

Mareeg.com: Ciidamada Hay’adda Nabad Sugidda Soomaaliya ayaa galabta xabsiga u taxaabay siyaasiga Cali Maxamed Nuux (Timajilac), oo ka tirsan siyaasiyiinta ku dhaqan Magaalada Muqdisho, gaar ahaan Xisbiga Jamhuuriga ah.

Ciidamada Hay’adda Nabad Suggida ee Gobolka Banaadir, ayaa waxay Siyaasiga ka wateen hoygiisa oo ku yaala Degmada Xamar Weyne, waxayna u sheegeen in uu xarig yahay, isla-markaana uu soo raaco.

Waxaa soo baxaaya warar sheegaaya in Siyaasigu uu ka hadlay xariga Suxufiyiinta u xiran Dowladda Somaliya, iyadoona uu ku sheegay inay xaqdaro ku xiran yihiin, waana tan loo badinayo iney sabab u tahay xarigiisa.

Todobaadkii hore ayay dowladda Soomaaliya mar xirtay siyaasiga C/llaahi Sheekk Xasan Cali oo ah gudoomiyaha xisbiga Nabadda Iyo Dimuquraadiyadda, kaasoo marar badan dhaleeceeyey siyaasadda dowladda Madaxweyne Xasan Sheekh.

Hay’adda nabad Sugidda ayaa waxaa haataan u xiray 4 ka mid ah mas’uuliyiinta Radio Shabeelle iyo SKY FM, kuwaasoo ururada saxaafaddu codsadeen in maxkamada lasoo taago ama la sii daayo.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!