Muqdisho: Xaafadaha Juungal Iyo Carafaat Oo Saaka Laga Taxaabay Dad Farabadan

Read Time:41 Second

Muqdisho – Mareeg.com: Ciidamada booliska iyo Nabadsugidda Soomaaliya ayaa saaka howlgal ballaaraan ka sameeyey qeyb ka mid ah xaafadaha Juungal iyo Carafaat ee degmada Yaakhshiid ee magaalada Muqdisho.

Dad degan xaafadahaas ayaa saaka soo toosay iyadoo ay albaabada ka taagan yihiin ciidamo farabadan oo wata gaadiidka dagaalka iyo gawaarida shabaqlayaasha ah ee dadka la qabto lagau qaado.

Howlgalka ciidamadu saaka ka sameeyeen degmada Yaakshiid ayaa yimid kadib markii xalay halkaas lagu dilay qof rayid ah oo ka mid ah dadka deegaanka.

Goobjooge degan Juungal ayaa Mareeg Media u sheegay in la qabtay dad farabadan oo ka mid ah dhallinyarada xaafadda uu degan yahay.

Laamaha amaanka dowladda federaalka Soomaaliya kama hadlin cidda lagu qabtay howlgakaan.

Howlgalka ciidamadu saaka ka sameeyeen degmayada Yaakhshiid ayaa kusoo beegmay xilli shalay galab agagaarka SOS lagu weeraray ciidamada Midowga Afrika ee AMISOM.

Mareeg.com

About Post Author

A warsame

Published by A Warsame is senior Editor and managing Director of Mareeg Media Whatup :+447737886245
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Instagram did not return a 200.