Milkiilaha iyo saddex ka mid ah shaqaalaha Radio Shabeelle oo maanta maxkamad lasoo taagayo * Mareeg.com somalia, World News and Opinion.
Mareeg Media
Somalia

Milkiilaha iyo saddex ka mid ah shaqaalaha Radio Shabeelle oo maanta maxkamad lasoo taagayo

Mareeg.com: Waxaa maanta lagu wadaa iney maxkamadda gobolka Banaadir kasoo hormuuqdaan labo ka mid ah maamulka Radio Shabeelle iyo SKY iyo 2 weriye ka howlgeliyey labadaas Idaacadood ee mataanaha ahaa, islamarkaana dowladda Soomaaliya horay u xirtay.

Milkiilaha Idaacada Shabelle, C/maalik Yuusuf Maxamed, Axmed Cabdi Xasan oo ahaa Kuxigeenka Madaxa Wararka Shabelle, iyo Wariyeyaasha kala ah Maxamed Bashiir Xsshi iyo Maxamuud Carab ayaa lagu wadaa iney maanta mar labaad hortgaan maxkamadda, iyadoo loo heysto iney fidiyeen warar kicin ah oo ka dhan dowladda Soomaaliya iyo amaanka dalka.

Maxkamada Gobolka Banaadir ayaa 21-kii bishii October damiin ku sii deysay Milkiilaha Idaacada Shabelle C/maalik Yuusuf Maxamed iyo Axmed Cabdi Xasan oo ahaa Kuxigeenka Madaxa Wararka Shabelle, iyadoo ay xabsiga ku jiraan Maxamed Bashiir Xsshi iyo Maxamuud Carab.

Xeer Ilaalinta Qaranka ayaa ku eedeysay milkiilaha Shabeelle arrimaha kala ah: Dhiirigelinta in weriyaashu galaan dambiyo, Kicin dadweyne, Khiyaano qatan iyo ka hortaga ciidamada amaanka.

Idaacadda Shabelle iyo SKY FM ayaa tan iyo 15-kii Ausgust 2014 ka maqan Hawad iyadoo ay weli xiran yihiin 2 wariye oo ka kala tirsa Shabakadaha Mataanaha ah ee Shebelle iyo SKY FM.

 Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!