Milateriga Soomaaliya iyo Amisom oo ku wajahan Degmada Buulo-burte ee Gobolka Hiiraan

Read Time:1 Minute, 1 Second

Baledweyne – Mareeg.com: Ciidamada AMISOM ee ka kala socda Itoobiya iyo Jabuuti iyo ciidamada Soomaaliya ayaa saaka ka dhaqaaqay magaalada Baledweyne, iyagoo kusii jeeda degmada Buulo-burte ee gobolka Hiiraan, halkaasoo Alshabaab maamulaan, una ah saldhig weyn oo muhiim ah.

Sida uu Mareeg Media u sheegay goobjooge ku sugan Baledweyne, ciidamada Itoobiya oo wata hubka nuucyadiisa kala duwan ayaa ku baxay jidka laamiga ah ee taga degmada Buulo-burte.

Sidoo kale, ciidamada Jabuuti iyo milateriga Soomaaliya ay ku baxay jid carri ah oo galbeed ka mara webiga Shabeelle, islamarkaana taga isla degmada Buulo-burte.

Ilaa hadda lama soo sheegin wax dagaal ah oo dhacay, waxaana saraakiil ka tirsan ciidamada dowladda Soomaaliya sheegeen iney saacadaha soo socda gaari doonaaan degmada Buulo-burte.

Saaka aroortii hore ayaa la jaray Isgaarsiinta gobolka Hiiraan, hase ahaatee waxaa dib loo furay barqadii maanta abaare 11:00 AM ee saacadda Soomaaliya.

Alshabaab ayaa dhankooda xaqiijiyey in ciidamada is-garabsanaya ee iyaga ka horjeeda ay wadaan dhaqdhaqaaq ciidan, waxeyna sheegeen in laga yaabo in dagaallo ka dhacaan duleedyada Beldedweyne.

Dadka ku nool degmada Buulo-burte ayaa bilaabay iney barakacaan, kadib markii ay ka war heleen dhaq dhaqaaqyada ciidan ay wadaa ciidamada AMISOM iyo kuwa dowladda oo habeenimadii xalay ka dhaqaaqay Beledweyne.

Mareeg Media

About Post Author

A warsame

Published by A Warsame is senior Editor and managing Director of Mareeg Media Whatup :+447737886245
Happy
Happy
0 0 %
Sad
Sad
0 0 %
Excited
Excited
0 0 %
Sleepy
Sleepy
0 0 %
Angry
Angry
0 0 %
Surprise
Surprise
0 0 %