michael keating oo war kasoo saaray xiisadda Kheyre iyo Jawaari — Mareeg.com somalia, World News and Opinion.
Mareeg Media
Somalia

michael keating oo war kasoo saaray xiisadda Kheyre iyo Jawaari

Muqdisho (Mareeg News )  QM, Midowga Afrika, Midowga Yurub, IGAD, Ethiopia, Italy, Sweden, UK, iyo Mareykanka ayaa walaac ka muujiyey xaaladaha siyaasadeed iyo kuwa amni ee ka jira Soomaaliya, kuwaas oo ay sheegeen inay halis ku yihiin guulihii siyaasadeed, dhaqaale iyo kuwii amni ee la gaaray, islamarkaana ay dhaawacayaan sumcadda Soomaaliya.

Beesha caalamka ayaa ugu baaqday dhammaan hogaamiyayaasha Soomaalida iyo siyaasiyiinta inay ixtiraamaan sharciga dalka iyo dastuurka, ayna u adeegsadaan xalinta khilaafyada jira.

Beesha caalamka ayaa ugu baaqday hogaamiyayaasha baarlamanka iyo xukuumadda inay wada-hadal yeeshaan maalmaha soo socda ayna hab nabdoon oo dastuuri ah u adeegsadaan xalinta khilaafyada jira.

Beesha caalamka ayaa bogaadisay kooxaha iyo shaqsiyaadka isku dayaya inay xaliyaan khilaafyada jira, ayna garab taagan yihiin.

Hadalkan ayaa imanaya ayada oo xildhibaano ka tirsan baarlamanka ay wadaan mooshin xilka looga qaadayo guddoomiye Jawaari, kaasi oo uu gadaal ka riixayo ra’iisul wasaare Xasan Cali Kheyre.

Get real time updates directly on you device, subscribe now.

Find a Job.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!