Masar: Maxkamad dil ku xukuntay hogamiyaha Akhwanul Muslimiin, Maxamed Badiic

Mareeg.com: Maxkamad ku taalla dalka Masar ayaa warqadaha 27 ruux oo isugu jira xubno Akhwaanul Muslimiin ah iyo taageerayaashooda oo uu ku jiro hogaamiyaha ugu sarreeya ururkaas, Maxamad Badiic waxey u wareejisay muftiga dalka Masar si loogu godol xaaro in la toogto.



Ikhwaanul Muslimiinka ayaa Masar laga mamnuucay kaddib markii xukunka laga tuuray madaxweynihii hore ee dalkaasi Maxamad Mursi.

Badiic iyo taageerayaashiisa waxaa la sheegay in lagu helay dambi ah inay qorsheynayeen weerar ka dhan dowladda.

Arrintan ayaa haatan loo gudbiyay muftiga dalkaasi, oo go’an ka soo saari doono, waxaana maxkamaddu ku dhawaaqidda xukunka kama dambeysta ah u qabatay 11-la bisha April ee soo socota.

Maxkamad kale ayaa horey dil ugu xukuntay Badiic, balse waxaa gadaal dambe loo baddalay xabsi daa’im.

About A warsame 9751 Articles
Published by A Warsame .He can be reached by news@mareeg.com or Mobile :+447737886245