Mareykanka oo duqeyn ku diley Saraakiil ka tirsan Al-Shabaab * Mareeg.com somalia, World News and Opinion.
Mareeg Media
Somalia

Mareykanka oo duqeyn ku diley Saraakiil ka tirsan Al-Shabaab

War-saxaafadeed ka soo baxay taliska Ciidamada Maraykanka ee qaarada Afrika ee loo yaqaano (AFRICOM) ayaa lagu faah faahiyey duqeymo dhinaca cirka ah oo uu Mareykanka ka fuliyey deegaano ka tirsan Gobolka Shabeellaha Hoose

Qoraalka Africom ayaa lagu sheegay in Ciidamada Mareykanka oo kaashanaya Saaxiibadooda Soomaaliya ay 29-kii Bishaan  Saddex duqeyn fuliyeen oo laba kamid ah ay lala beegsadeen Xarumo Al-Shabaab ku leeyihiin deegaanka Kuunya-Barow ee Gobolka Shabeellaha Hoose.

Mareykanka ayaa duqeyntaas waxaa uu sheegay in uu ku bur buriyey laba Gaari laguna  diley laba Xubnood oo uu kamid yahay Sarkaal ka tirsan Al-Shabaab oo Magaciisa lagu sheegay Caliyoow Barrow,balse ay sheegeen in duqeyntaas aysan waxba ku noqon dad rayid ah.

William Gayler, oo ah madaxa howlgalada Ciidamada Mareykanka ee Africa, ayaa yiri “Tan iyo weerarkii ugu horreeyay ee Al-Shabaab ee sanadkii 2010, kooxdu waxay si naxariis darro ah u dishay boqolaal isugu jira  la-hawlgalayaasha Afrikaanka ah ee AMISOM &  xulafadooda,Shacab  iyo dadka kale Waana  khatar Caalami ah.

Mareykanka ayaa sanadkaan 2019 waxa uu kordhiyey weerarada dhinaca cirka ah uu ka fuliyo Soomaaliya,isla markaana uu la beegsanayo Xarumaha Al-Shabaab iyo Daacish-ta ka Soomaaliya ee ka howlgasha deegaannada Puntland.

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.