Mareykanka oo askar kala baxaya Yemen kadib markii loo hanjabay * Mareeg.com somalia, World News and Opinion.
Mareeg Media
Somalia

Mareykanka oo askar kala baxaya Yemen kadib markii loo hanjabay

Mareeg.com: Maraykanka ayaa la sheegay inuu milaterigiisa kala baxayo saldhig ku yaalla Yemen, sababo la xiriira nabadgelyo darro aaggaas ku sii korortay.

Ciidanka oo ay ku jiraan askarta gaarka ah ee kumaandoska ayaa la sheegay in laga saari doono saldhigga Al-canad ee ku yaalla koofurta Yemen.

Dagaalyahannada Al Qaacida ayaa weeraray magaalo halkaas u dhow Jimcihii, ka hor intii aysan ka saarin xoogag maxalli ah.

Waxaa la rumaysan yahay in saldhigga Al-canad loo isticmaali lahaa in lagu tababaro askarta xukuumadda Yemen, dagaalka ay kaga hor jeedaan Al-Qaacida ee koofurta dalka.

Milateriga Maraykanka weli wax faallo ah kama bixin wararka sheegaya inay ciidankooda xeradaas kala baxayaan.

Dhanka wasaaradda difaaca Mareykanaka ayaa xaqiijisay in askrta saldhigaas laga raray ay hanjabaad uga timid Khalaafada Islaamiga, kuwaasoo 130 qof oo Shiico jimcihii ku dilay labo masjid oo ku yaallada magaalada caasimadda ah ee Sanca.

Magacyada, sawirada iyo cinwaanada dadkan ayaa la soo dhigay bar internet oo xiriir la leh Daacish, waxaana loogu baaqayay taageerayaasha Daacish ee ku sugan mareykanka inay dilaan dadkaas oo isugu jira ragg iyo dumar.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.