Maleeshiyaad hubeysan oo dad ku laayey Gobolka Mudug — Mareeg.com somalia, World News and Opinion.
Mareeg Media
Somalia

Maleeshiyaad hubeysan oo dad ku laayey Gobolka Mudug

Faah faahino dheeraad ah ayaa waxaa ay kasoo baxayaan maleeshiyaad hubeysan oo gaari dad Shacab ah ay saarnayeen xalay Saqdii Dhexe ku rasaaseeyey deegaano ka tirsan gobolka Mudug raasaastaas oo geysatay khasaaro dhimasho iyo dhaawac ah.

Gaariga la rasaaseeyey oo ahaa nooca loo yaqaano Barabokista ayaa ka yimid deegaanka gelinsoor ee Gobolka Mudug,waxaana uu kusii jeeday Magaalada gaalkacyo,waxaana Goobjoogayaal ay sheegeen in 4 ruux oo hubeysnaa ay gaariga rasaaseeyeen.

Wararka ayaa waxaa ay intaasi ku darayaan in rasaasta gaariga lagu furay uu ku geeriyooday hal ruux halka laba qof oo kale ay ku dhaawacmeen,waxaana la sheegay in maleeshiyaadka falkaasi geystay ay goobta ka baxsadeen.

Ilaa iyo hadda macada sababta gaarigaas loo rasaaseeyey iyo dadka ka dambeeyey falkaas,waxaana uu noqonayaa falkii labaad ee muddo laba todobaad Gudahood ah ka dhaca wadada u dhaxeysa deegaanka Dagaari ee Gobolka Mudug iyoMagaalada gaalkacyo.

Taliyaha qeybta Booliska Gobolka Mudug ayaa sheegay in ay ku raad joogaan maleeshiyaadka ka dambeeyey gaariga la rasaaseeyey,isla markaana ay wadaan howlgallo ay ku baadi goobayaan.

Weerarkaan sababay khasaaraha dhimasho iyo midka dhaawac ee ka dhacay Gobolka Mudug ayaa waxa uu kusoo aadayaa xilli Colaad beeleed ay ka jirto deegaano hoostaga degmooyinka Afbarwaaqo iyo Towfiiq ee Gobolka Mudug.

Gaari la rasaaseyey 4 ruux  Gelinsoor  Barabokista hal qof ayaa dhintay laba qof ayaa dhaawacantay taliyaha qeybta booliska Mudug oo sheegay in baaritaan wado waa weerarkii labaad oo dhaca

Get real time updates directly on you device, subscribe now.

Find a Job.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!