Madaxweyne Xasan: Waxaa Naga Go’an Horumar Amaan, Dowlad Wanaag Iyo Cadaalad

Read Time:1 Minute, 5 Second

Addis Ababa – Mareeg.com: Madaxweynaha Dowladda Federaalka Soomaaliya Xasan Sheekh Maxamuud iyo wafdi uu hogaaminayo ayaa maanta ka qeyb-galay Shirka Madaxda Midowga Afrika oo maant furmay, wuxuuna sheegay in Soomaaliya ay go’antahay iney gaarto horumar dhanka amniga, dowlad wanaagga, cadaaladda iyo horumarka dhaqaalaha.

Wafdigan ayaa waxaa ka mid ah Wasiirka Arimaha Dibadda Abdirahman Ducaalle Beyleh, Wasiirka Gaashaandhiga Maxamed Sheekh Xasan, Wasiirka Arimaha Gudaha Cabdullahi Goodax Barre, Safirka Soomaaliya u fadhiya Itoobiya Axmed Cabdisalaan Adam, iyo la taliyayaal ka tirsan Madaxtooyada.

“Soomaaliya waa in ay shirkaan ka gaarto danaheeda gaarka ah ee ku aadan dhanka amniga. Waxaa farxad u ah shacabka Soomaaliyeed in sanad walba sanadka ka danbeeyo uu dalkeena kasoo baxayo mugdigii uu ku jiray. Waa inaan sii wadnaa dadaalkaan ilaa iyo inta aan ka gaareyno Soomaaliya oo nabad ah isla markaasna horumarsan.” Ayuu yiri madaxweyne Xasan.

“Walaaleheyga, Afrikanka ah waxaan leeyahay Soomaaliya wey ka go’an tahay in ay si dhab ah uga gaarto hiigsiga ajendada 2063. Waxaan rabnaa in ay Soomaaliya si dhab ah horumar uga gaarto dhanka amniga, dowlad wanaagga, cadaaladda iyo horumarka dhaqaalaha.” Ayuu sidoo kale yiri Xasan Sheekh.

Shirka Madaxda Midowga Afrika ayaa waxaa la soo af-jarayaa berrito. Madaxweynahana wuxuu kulamo la qaadan doona madax kala duwan si uu u xoojiyo xiirika Soomaaliya kala dhaxeeyo dalalka kale.

Mareeg.com

About Post Author

A warsame

Published by A Warsame is senior Editor and managing Director of Mareeg Media Whatup :+447737886245
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Instagram did not return a 200.