Madaxweyne Xasan Sheekh “Dagaalka Al-Shabaab ay ka wadaan Puntland dowlad ahaan nooga ma duwana kuwa ay ka wadaan gobollada kale ee dalka” * Mareeg.com somalia, World News and Opinion.
Mareeg Media
Somalia

Madaxweyne Xasan Sheekh “Dagaalka Al-Shabaab ay ka wadaan Puntland dowlad ahaan nooga ma duwana kuwa ay ka wadaan gobollada kale ee dalka”

Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud ayaa Sheegay in dagaallada maleeshiyada Al-Shabaab ay ka wadaan deegaanno ka tirsan dowlad goboleedka Puntland aysan ka duwaneen kuwa ay ka wadaan gobollada kale ee dalka.

Madaxweyne Xasan Sheekh oo ka hadlayay shir ku saabsan hanaanka loo marayo dhismaha dowladaha Hoose ayaa sheegay in maleeshiyaadka argagixisada Al-Shabaab aysan lahayn qabiil gaar ah ama cid ay ka soo jeedaan, waxaana uu bulshada ugu baaqay inay hal meel ka soo wada jeestaan la dagaallanka Al-Shabaab.

“Dagaalka Nabad diidka Shabaab ay ka wadaan Puntland dowlad ahaan nooga ma duwana kuwa ay ka wadaan gobollada Hiiraan, Shabeelaha Dhexe iyo kuwa kale, dowladdu waxkasta oo ay kari karto way kaga qeyb qaadaneysaa dagaalka lagula jiro Al-Shabaab” ayuu yiri Madaxweynaha oo hadalkiisa ku daray “Shacabka reer Puntland sida ay ugu midoobeen la dagaallanka Al-Shabaab waan idinku bogaadinayaa, markasta dowlad ahaan iyo shacabka Soomaaliyeed way idin garab taaganyihiin waana la guuleysan doonaa dagaalka lagula jiro nabad diidka Al-Shabaab”.

Madaxweynaha oo ka hadlayay abaaraha ka jirta qaar ka mid ah gobollada dalka ayaa ugu baaqay hay’adaha samafalka iyo inta wax heysata inay ka qeyb qaataan gurmad u fidinta dadka ay abaaraha saameysay.

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!