Madaxweyne Xasan oo kormeeray Imtixaanka mideysan ee wasaaradda Waxbrashada * Mareeg.com somalia, World News and Opinion.
Mareeg Media
Somalia

Madaxweyne Xasan oo kormeeray Imtixaanka mideysan ee wasaaradda Waxbrashada

Mareeg.com: Madaxweynaha Soomaaliya Xasan Sheekh Maxamuud ayaa ku ammaaney Wasaaradda Waxbarashada hirgelinta imtixaanka mideysan ee shahaaddada dugsiga sare oo si habsami leh uga socda magaalada Muqdisho.

Madaxweynaha ayaa kormeer uu ugu kuurgalayo habsami u socodka imtixaankaasi maanta ku tegey dugsiga Yaasiin Cusmaan oo ka mid ah goobaha imtixankaasi uu ka dhacayo.

“Waa bilow fiican, waxaana rajeynayaa in mustaqbalka ay wasaaradda ku guuleysato inay si habsami leh u maareyso imtixaanaadka heerka qaran oo dhan” ayuu yiri Madaxweynaha.

Madaxweynaha ayaa intii uu kormeerka ku jirey waxaa uu warbixin ku saabsan qaabka uu imtixaanka u socdo ka dhegeystey Wasiirka Waxbarashada Khadra Bashiir Cali.

Imtixaanka ayaa lasoo afjarayaa berri oo Jimce ah, iyadoo ardaydu gelayaan labo maaddo oo dhiman kuwaasoo kala ah: Physics iyo Tarbiyada Islaamka.

Waa markii ugu horeysay muddo 25 sano ah oo ay dowladdu qaado Imtixaanka mideysan ee Shahaadiga Dugsiga Sare, iyadoo sanadkan ay u fariisteen illaa 7-kun oo arday.

unnamed (1)unnamed (2)unnamed (4)unnamed (5)unnamed (6)unnamed (7)unnamedweerar (2)

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.