Madaxweyne Xasan oo ka deyriyey qaabka uu ku socda barnaamijka New Deal

Mareeg.com: Madaxweynaha Soomaaliya, Xasan Sheikh Maxamuud oo ka hadlay munaasabad lagu qabta magaalada Garowe ayaa sheegay in barnaamijka New Deal uu ku socda qaab gaabis ah.

Xasan Sheikh Maxamuud waxaa uu shegay in barnaamijkaasi qaabka hadda caalamku u wado uusan ahayn qaab Soomaaliya u baahantahay waxaana uu ugu baaqay in si deg deg ah dib u eegis loogu sameeyo .

“Beesha caalamka kaalmadeeda iyo niyad samideeda waa ku mahadsantahay, waana ku amaaneynaa, laakin arrinta la yiraa New Deal-ka  waxaan u baahan nahay in si dhab ah dib loogu eego, sida hadda uu yahay ummadda Soomaaliyeed kuma anfaco” ayuu yir madaxweyne Xasan Sheekh.

Barnaamijka New Deal ayaa ahaa mid loogu talagalay in Soomaaliya lagu taageero, islamarkaana lagu gaaro nidaam doorasho sanadka 2016 uga dhici karto Soomaaliya.

Mareeg Media

About A warsame 9751 Articles
Published by A Warsame .He can be reached by news@mareeg.com or Mobile :+447737886245