Madaxweyne Xasan Iyo Wasiirka Arrimaha Debadda Burundi Oo Kulan Ku Yeeshay Muqdisho * Mareeg.com somalia, World News and Opinion.
Mareeg Media
Somalia

Madaxweyne Xasan Iyo Wasiirka Arrimaha Debadda Burundi Oo Kulan Ku Yeeshay Muqdisho

Muqdisho, 08 February 2014 – Madaxweynaha Soomaaliya Xasan Sheekh Maxamuud oo maanta Muqdisho kula kulmay Wasiirka Arrimaha Dibedda ee Brundi H.E. Laurent Kavakure, ayaa ammaanay doorka Burundi oo uu ku sheegay inay yihiin Wallaalo dhab ahoo ay leedahay dowladda Soomaaliya.

Madaxweynaha ayaa xafiiskiisa ku qaabilay Wasiirka Arrimaha Dibedda ee Brundi H.E. Laurent Kavakure, oo ay wehliyeen Taliyaha Ciidanka AMISOM Lieutenant General Silas Ntigurirwa, Wasiirka Arrimaha Dibedda Abdirahman Duale Baileh, Wasiiru Dowlaha Arrimaha Dibedda Soomaaliya Burci Maxamed Hamza iyo Safiirka Soomaaliya u fadhiya dalkaasi Brundi Abshir Xasan Abshir.

Madaxweynaha ayaa yiri “Aad iyo aad baan u mahadcelineynaa Wallaalaha Burundi oo dhiigooda noo huray si uu dalku amni u noqdo. Sanadkii 2007 illaa iyo hadda ayey ciidamada Burundi, kuwa kale ee AMISOM iyo ciidanka Soomaalidu ay si joogta ah ula dagaalamayeen kooxaha Al-Shabaab, oo ay noo sameynayeen fursadahan hadda jira ee aan dalka dib ugu dhiseyno oo shacabku ay istaahilaan, mana hilmaami doono doorkii iyo abaalkii Burundi.”

Madaxweynaha iyo Wasiirka arrimaha dibedda ee dalka Burundi ayaa waxey ka wada hadleen arrimaha amniga, tiro kordhinta ciidamada AMISOM oo horey Golaha Ammaanka ee Qaramada Midoobay ay u ansixiyeen iyo sidii ciidanka Soomaalida loo taageeri lahaa.

Madaxweynaha ayaa yiri “Sanadkan 2014 waa mid muhiimad gaar ah noo leh. Waxaan xoojineynaa dagaalka lagula jiro Al-Shabaab, xasilinta dalka oo dhan. Burundi, AMISOM-ta kale iyo ciidanka Soomaalida ayaana kaalin mug leh ka qaadan doona dadaalada xasilinta dalka.”

Burundi ayaa ka mid ah dalka ciidamadoodu sida firfircoon uga qeyb qaateen dagaalka Midowga Afrika ku caawinayo dowladda Soomaaliya ee looga horjeedo Alshabaab.

Mareeg.com

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!