Madaxweyne Xasan: Shirku wuxuu ka dhacaa Cadaado “Caasimadda waa Dhuusa Mareeb, * Mareeg.com somalia, World News and Opinion.
Mareeg Media
Somalia

Madaxweyne Xasan: Shirku wuxuu ka dhacaa Cadaado “Caasimadda waa Dhuusa Mareeb,

Mareeg.com: Madaxweynaha Soomaaliya, Xasan Sheekh Maxamuud ayaa maanta magaalada Dhuusa Mareeb ee xarrunta gobolka Galgaduud uga dhawaaqay halka lagu qabanayo shirka maamul u smaeynta Mudug iyo Galgaduud.

Madaxweynaha oo khudbad u jeediyey odayaashii ka qeybgalay shirkii dib u heshiisiinta ee lagu qabtay Dhuusa Mareeb ayaa cadeeyey in 11-ka bishaan April uu degmada Cadaado ka furmi doono shirka maamulka loogu dhisayo gobollada dhexe ee Soomaaliya.

Madaxweyne Xasan ayaa sidoo kale ku dhawaaqay halka ay noqoneyso caasimadda maamulka gobollada Dhexe, wuxuuna sheegay iney tahay magaalada Dhuusa Mareeb ee xarrunta gobolka Galgaduud.

“Caasimadda dowlad goboleedka dhalan doonta waa Dhuusa Mareeb, shirkana waxaa gogoshiisu tahay Cadaado, go’aankaas ayaa dowladdu agaartay” ayauu madaxweyne Xasan Sheekh ka sheegay Dhuusa Mareeb.

Ugu dambeyntii, madfaxweynaha Soomaaliya, Xasan Sheekh Maxamuud ayaa ugu baaqay dadka gobollada dhexe iney dhistaan maamul ay u dhan yihiin.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!