Madaxweyne Farmaajo oo Maanta la kulmaya Xisbiyada ka jira dalka * Mareeg.com somalia, World News and Opinion.
Mareeg Media
Somalia

Madaxweyne Farmaajo oo Maanta la kulmaya Xisbiyada ka jira dalka

Madaxweynaha Jamhuuriyadda Federaalka ah ee Soomaaliya Maxamed Cabdullaahi Farmaajo ayaa shir waxaa uu isugu yeeray Xisbiyada ka jira dalka ee u diiwaan gashan Guddiga doorashooyinka.

Xubno ka mid ah Xisbiyada kajira dalka ayaa xaqiijiyey in kulankaas uu ugu yeeray Madaxweynaha,isla markaana uu kusoo wargeliyey Agaasimaha Guud ee Madaxtooyada Soomaaliya Nuur Xersi Fuursade.

Lama shaacin waxyaabaha uu Madaxweyne Farmaajo kala hadli doono Xisbiyada kajira dalka,hayeeshee wararka ayaa waxaa ay sheegayaan in uu kala hadli doono arrimo la xiriira doorashooyinka soo socda ee la filayo inay dhacaan sanadka 2021.

Madaxweynaha Soomaaliya Maxamed Cabdullaahi Farmaajo ayaa dhawaan waxaa kulan gaar ah uu Madaxtooyada kula qaatay Xubnaha sar sare ee Madasha Xisbiyada,iyada oo ay ka wada hadleen Arrimo dhowr ah.

Xubno ka mid ah xisbiyadda ayaa sheegay in Agaasimaha Guud ee Madaxtooyadda uu ku wargaliyay Casuumadda Madaxweyne Farmaajo.

Kulanka Madaxweyne Farmaajo iyo xisbiyadda ayaa lagu waday in uu dhaco Maalintii khamiista aheyd ee la soo dhaafay,hayeeshee uu dib u dhacay,waxaana lagu wadaa in Maanta oo Sabti ah in uu qabsoomo.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.