Madaxweyne Farmaajo Oo Dalacsiiyay Saraakiil badbaadisay Dukumintiyo Ay Leheed Dowladii Dhexe — Mareeg.com somalia, World News and Opinion.
Mareeg Media
Somalia

Madaxweyne Farmaajo Oo Dalacsiiyay Saraakiil badbaadisay Dukumintiyo Ay Leheed Dowladii Dhexe

Muqdisho ( Mareeg News ) Madaxweynaha Dowlada Federaalka Soomaaliya Maxamed C/laahi Farmaajo ayaa dalacsiiyay Saraakiil ka tirsan Ciidamada Booliiska Soomaaliyeed kuwaas oo badbaadiyay Dukumintiyo yaalay Xarumaha dowlada kadib burburkii dowladii dhexe ee uu hogaaminayay AUN Maxamed Siyaad Bare.

 

Saraakiishan oo kala ah G/ Sare Jaamac Cilmi (Timir) oo badbaadiyay kaydka Xarunta Taliska Ciidanka Booliska Soomaaliyeed, G/ Sare Abshir Xaashi Cali oo gacanta ku hayay kaydka heesaha ee Radio Muqdisho iyo Dhamme Cabdi Maxamed Samatar (Cabdi Dheere) oo isna ilaaliyay dukumintiyadii muhiimka ahaa ee Wasaaradda Arrimaha Dibadda ayaa Madaxweynaha Jamhuuriyadda waxa uu dallacsiiyay min hal darajo.

“Saddexdan sarkaal waxa ay qabteen in ay xafidaan taariikhda Soomaaliya oo ay ilaaliyaan sharafka iyo qarannimada Soomaaliyeed, xitaa in ay naftooda u huraan. Waa mahadsanyihiin, mana idin ilaawi doonno, qarankuna waa idiin abaal gudi doonaa.” Ayuu yiri Madaxweyne Maxamed Cabdullaahi Farmaajo.

Madaxweyne Farmaajo ayaa sheegay in ay jiraan shakhsiyaad Soomaaliyeed oo naftooda u huray sidii ay u ilaalin lahaayeen taariikhda umadda Soomaaliyeed kuwaas oo mudan in mar walba la xuso si jiilka dambe ay u helaan dad ay kaga daydaan waddaniyadda iyo dal jacaylka.

Dalacsiintaan loo sameeyay Saraakiisha badbaadiyay Dukumintiyada Dowlada ayaa ka dhacday Xarunta Madaxtooyada Soomaaliya oo Madaxweyne Farmaajo Xalay Casho Sharaf ugu sameeyay Guddigii Qabanqaabada Munaasabadihii 26ka Juunyo iyo 1-da Luuliyo.

Get real time updates directly on you device, subscribe now.

Find a Job.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!