Madaxweynaha Turkiga oo la filayo inuu Jimcaha booqdo Muqdisho & amaanka oo la adkeeyey * Mareeg.com somalia, World News and Opinion.
Mareeg Media
Somalia

Madaxweynaha Turkiga oo la filayo inuu Jimcaha booqdo Muqdisho & amaanka oo la adkeeyey

Mareeg.com: Madaxweynaha Turkiga, Recep Tayyib Erdogan ayaa la filayaa inuu maalinta Jimcaha ah ee 23-kaq bishaan Janaayo 2015 booqasho ku yimaado caasimadda Soomaaliya ee Muqdisho, isagoo sidoo kalana booqanaya dalal kale oo Afrikaan ah.

Recep Erdogan ayaa maalinta berri ah oo Khamiis ah booqasho ku tagaya xarunta Itoobiya ee Addis Ababa, halkaasoo uu kula kulmi doono madaxweynaha dalka Itoobiya, Mulatu Teshome iyo ra’iisul wasaaraha dalkaas, Hailemariam Desalegn.

Wafdiga Turkiga ah ayaa waxaa ka mid ah tiro ka mid ah golaha wasiirrada dalkaas, xildhibaanno iyo ganacsato, iyagoo dalka Itoobiya kala hadli doona arrimaha ganacsiga iyo xiriirka labada dal.

Sidoo kale, Erdogan ayaa tagi doona dalka Jabuuti oo uu kula kulmi doono madaxweyne, Ismaaciil Cumar Geelle, iyadoo Erdogan uu safarkiisa kusoo xiri doono Soomaaliya oo uu imaan doono Jimcaha.

Erdogan ayaa booqashadiisa Jimcaha uu ku imaanayo Soomaaliya ay noqon doontaa tii labaad, kaddib markii uu sannadkii 2011-kii uu yimid Muqdisho, xiligaa oo uu ahaa ra’iisul wasaare, iyadoo Soomaaliya ay ka jirtay macluul daran oo ka dhalatay abaaro ku dhuftay inta badan gobollada Soomaaliya.

Amaanka caasimadda Soomaaliya ayaa aad loo adkeeyey 3-dii maalmood ee lasoo dhaafay, waxaana la xiray wadooyinka ku dhow madaxtooyada.

Maalinta Jimcaha ah waxaa hakad la geliyey duulimaadyada shirkadaha diyaaradaha ee ganacsiga, waxaana shirkadaha qaar duulimaadyadii Jimcaha ugu hormariyeen berri oo khamiis ah, halka kuwa kalana sabtida u dib dhigeen.

Mareeg Media

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!