Madaxweynaha Puntland oo u ambabaxay dalka Taliyaaniga

Mareeg.com: Madaxweynaha maamulka Puntland, Cabdiwali Maxamed Cali Gaas ayaa maanta u ambabaxay dalka Talyaaniga.

Gaas oo warbaahinta kula hadlay Garowe oo u ka dhoofay ayaa sheegay inuusocdaalkiisa uga jawaabayo martiqaad rasmi ah oo uu ka helay dowladda Talyaaniga.

Wuxuu sheegay in muddada uu joogo dalkaas uu mas’uuliyinta dalkaas kala hadli doono arrimo ku saabsan horumarinta Puntland. 

Sida lagu sheegay war kasoo baxay xafiiska madaxtooyada Puntland, wasaarada Arrimaha dibada dalka Talyaaniga ayaa madaxweyne Gaas iyo Wafdigiisa ku casuumtay in ay ka qayb galaan shir looga hadlayo arrimaha Geeska Africa.

Madaxweynaha Puntland ayaa tilmaamay in socdaalkiisu uu qaadan doono muddo dhowr maalmood ah.

Mareeg Media

About A warsame 9751 Articles
Published by A Warsame .He can be reached by news@mareeg.com or Mobile :+447737886245