Madaxweynaha Oo Ku Baaqay In Loo Gurmado Dadka Abaarahu Saameeyeen * Mareeg.com somalia, World News and Opinion.
Mareeg Media
Somalia

Madaxweynaha Oo Ku Baaqay In Loo Gurmado Dadka Abaarahu Saameeyeen

Madaxweyaha Jamhuuriyadda Federaalka Soomaaliya Mudane Xasan Sheekh Maxamuud ayaa baaq ka soo saaray abaaraha ka jira qeybo ka mid ah dalka Soomaaliya ka dib kulan uu la qaatay Wasiiro ka tirsan Xukuumadda Soomaaliya , Guddiga Maareynta Musiibooyinka iyo Guddiga Ka hortaga Abaaraha Qaranka.

Guddoomiyeyaasha Guddiyadda Maareeynta Musiibooyinka iyo Ka hortaga Abaaraha Qaranka ayaa marka hore madaxweynaha warbixin ka siiyey xaaladahii ugu dambeeyey ee dadka iyo duunyada degaanadda abaaraha ay ka jiraan iyo kaalmooyinka ilaa hadda la gaarsiiyey.

Madaxweynaha Soomaaliya ayaa sheegay in dowladda Soomaaliya ay sii xoojin doonto gurmadka gobollada abaaraha ay ku dhufteen islamarkaana ugu baaqay Culumaa’udiinka, Ururada Dhallinyarada, Ururada Haweenka iyo dhammaan ururada Bulshadda Rayidka ah inay billaabaan dhaqaalo ururin si gurmad loogu fidiyo gobollada abaaraha ay ka jiraan gaar ahaan gobollada Woqooyi, Bartahama iyo qeyb ka mid ah Koonfurta Soomaaliya.

Madaxweynaha Soomaaliya ayaa ugu baaqay Saxaafada Soomaaliyeed inay qabtaan barnaamijyo wacyigelin ah oo bulshada looga dalbanayo inay isu gurmadaan si uu qof walba u helo fursad uu ku caawin karo walalaha abaaraha ay saameeyeen.

Madaxweynaha ayaa kaga mahad-celiyey saxaafadda Soomaaliyeed sida ay u tabiso wararka ku saabsan abaaraha dalka ka jira si umadda Soomaaliyeed ay dhexdood iskugu gurmadaan.

Ugu dambeyntii, Madaxweynaha Soomaaliya ayaa ka dalbaday hey’adaha maxaliga ah iyo kuwa caalamiga ah inay gargaar deg deg ah la gaaraan gobollada abaaraha ay ka jiraan.

DHAMAAD

Shador Haji Mohamud
Agaasimaha Warbaahinta
Madaxtooyada Soomaaliya
shadorhaji@presidency.gov.so

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!