Madaxweynaha Mareykanka oo safiir cusub u magacaabay Soomaaliya

U.S. President Barack Obama speaks about the sequester after a meeting with congressional leaders at the White House in Washington March 1, 2013. Obama pressed the U.S. Congress on Friday to avoid a government shutdown when federal spending authority runs out on March 27, saying it is the "right thing to do." REUTERS/Kevin Lamarque (UNITED STATES - Tags: BUSINESS POLITICS)

Madaxweynaha Mareykanka Barack Obama ayaa Isniintii (1/11/2016) magacaabay safiirka cusub ee Mareykanka ee dalka Soomaaliya.

Bayaan lagu daabacay website-ka Aqalka Cad ee Mareykanka ayaa lagu sheegay in Stephen Michael Schwartz, uu noqon doono safiirka Mareykanka ee Soomaaliya.

Stephen Schwartz, oo in muddo ah kasoo shaqeeyey Waaxda Arrimaha Dibedda Mareykanka, ayaa iminka ah agaasimaha xafiiska waaxda arrimaha dibedda u qaabilsan arrimaha Australia, New Zealand, iyo jasiiradaha Pacific-ga, xilkan oo uu hayey tan iyo bishii August ee 2015.

Waxa uu horey u ahaa agaasimaha xafiiska arrimaha galbeedka Africa, intii u dhaxeysay 2013 illaa 2015, isaga oo xilligaas ka hor, intii u dhaxeysay 2010 illaa 2013 ahaa ku xigeenka madaxa howlgalka safaaradda Mareykanka ee magaalada Lusaka ee dalka Zambia.

Magacaabidda Stephen Schwartz ayaa astaan u ah dib usoo noolaanshaha xiriirka diblomaasiyadeed ee Mareykanka iyo Soomaaliya, ayada oo dowladda Soomaaliya ay goor horeyba safiir ugu soo dirtay Washington D.C.

Stephen Schwartz ayaa howshiisa billaabi doona marka magacaabistiisa uu ansixiyo senate-ka Mareykanka.

Xigasho: VOA Somalia

About A warsame 9751 Articles
Published by A Warsame .He can be reached by news@mareeg.com or Mobile :+447737886245