Madaxweynaha Maamulka Puntland Oo Ku Laabtay Garowe

Garowe – Mareeg.com: Madaxweynaha maamulka Puntland Cabdiweli Maxamed Cali Gaas iyo wefdigiisa oo Muqdihso uga qeybgalay aaska Ra’iisul Wasaarihii hore ee Soomaaliya Marxuum C/risaaq Xaaji Xuseen ayaa dib ugu laabtay galabta magaalada Garowe.

Garoonka Diyaaradaha Garowe ayaa waxaa kusoo dhoweeyay Madaxweyne ku xigeenka Cabdixakiin Cabdullaahi Cumar (Camey), Gudoomiyaha Baarlamaanka Siciid Xasan Shire, Wasiiro iyo taliyaasha ciidamada.

Wefdiga Gaas oo xalay ku hoyday Muqdisho ayaa waxaa ku wehelinayay Wasiiro ka tirsan Xukuumaddiisa, masuuliyin hore oo uu kamid yahay Madaxweynihii hore Puntland Cadde Muuse iyo Issimada soo jireenka.

Gaas ayaa shalay si lama filaan ciidamo kala soo dageen diyaaradii uu la socday, iyadoo saaka ciidamadiisa gaarka ah loo diiday iney garoonka Aadan Cadde galaan goortii lasoo dejinayey meydka C/risaaq Xaaji Xuseen.

Mareeg.com

About A warsame 9751 Articles
Published by A Warsame .He can be reached by news@mareeg.com or Mobile :+447737886245