Maamulka Ximan & Xeeb oo dalbaday ciidamo ka socda Amisom * Mareeg.com somalia, World News and Opinion.
Mareeg Media
Somalia

Maamulka Ximan & Xeeb oo dalbaday ciidamo ka socda Amisom

Mareeg.com: Maamulka Ximan iyo Xeeb ee gobolka Galgaduud ka dhisan ayaa codsaday in ciidamo ka tirsan AMISOM la geeyo deegaannada uu maamulka ka arrimiyo.

Madaxweyne ku-xigeenka Ximan iyo Xeeb, Cabdi Maxamed Axmednuur ayaa sheegay inay u baahan yihiin ciidamo dheeraad ah oo caawiya ciidankooda si loo adkeeyo ammaanka deegaannada uu maamulka ka taliyo.

Cabdi ayaa sheegay in ciidankooda aanay ku filnayn sugidda ammaanka deegaanka, sidaas awgeed-na ay codsanayaan in ciidamo ka tirsan AMISOM la keeno gobolka.

Maamulka Ximan & Xeeb ayaa dedaal ugu jira sidii magaalada Cadaado loogu qaban lahaa shirka maamul u sameynta Mudug iyo Galgaduud, inkastoo Dhuusamareeb ku heysato.

Dhinaca kale, wuxuu ugu baaqay baarlamaanka federaalka Soomaaliya inuu ansixiyo xukuumadda cusub ee lagu wado in berri oo Isniin ay hor-tagto baarlamaanka si ay u dalbato codka kalsoonida baarlamaanka.

Wuxuu sheegay in xukuumadda cusub ay hor yaallaan howlo qaran oo waa-weyn oo u baahan in sida ugu dhaqsaha badan loo guda galo.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!