Maamulka Somaliland oo qaxooti Soomaali ka soo cararay dalka Yemen u diiday inay ka degaan Dekeda Berbera * Mareeg.com somalia, World News and Opinion.
Mareeg Media
Somalia

Maamulka Somaliland oo qaxooti Soomaali ka soo cararay dalka Yemen u diiday inay ka degaan Dekeda Berbera

Maamulka Somaliland ayaa is hor-taag ku sameeyay qaxooti Soomaaliyeed oo ka soo cararay colaada Yemen, kuwaasoo doon Markab ay shalay ku soo xiratay Dekeda Berbera, waxaana dadkan loo diiday inay cagta soo dhigaan Dekeda Berbera, dibna loogu celiyay markabkii ay saarnaayeen.

 

Markabkan ayaa dadkii la socday oo isugu jira dad u dhashay Yemen, dad ka soo jeeda Somaliland iyo dadka kale oo Koofurta Soomaaliyeed ka soo jeeda ayaa la bilaabay in la kala sooco, iyadoo dadkii Yemeniyiinta iyo kuwii Somaliland u dhashay loo ogolaaday, halka qaxootigii kale ee Koofurta Soomaaliya ka soo jeeda dib Doonta loogu celiyay.

 

Maareeyaha Dekeda Berbera ayaa sheegay inay dhaqan gelinayaan amarkii ka soo baxay Wasiirka Arrimaha Gudaha Somaliland ee ahaa in aysan qaabileyn Qaxootiga Soomaalida ah ee aan deegaankooda u dhalan, waxayna tani keentay muran xoogan.

 

Qaar ka mid ah qaxootigii dib Doonta loogu celiyay oo u badnaa caruur iyo haween ayaa sheegay inay saddex cisho ku soo jireen badda, isla markaana aysan heysan wax ay cabaan, sidaas darteed haddii loo diiday inay soo caga dhigtaan Dekeda Berbera ay Badda isku tuurayaan.

 

Haweenka saarnaa Markabka oo caruur xanuunsanaya ay wateen ayaa ka dalbaday maamulka Somaliland in aysan dadka Soomaaliyeed kala takoorin, waxaana dadkan ay ka wal walsanaayeen go’aanka Somaliland ee loogu diiday inay galaan.

 

Sharciga Caalamiga ah ee qaxootiga ayaa dhigaya in qaxootiga aan la takoorin, waxaana tallaabada ay qaaday Somaliland ka carooday dad badan oo Soomaaliyeed, tiiyo qaxootigan Soomaaliyeed ee ka soo cararaya colaada Yemen ay dhibaatooyin heystaan.

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.