Lafta-gareen oo Saraakiil kala hadlay dib u furista Waddooyin u Go’doosan Al… * Mareeg.com somalia, World News and Opinion.
Mareeg Media
Somalia

Lafta-gareen oo Saraakiil kala hadlay dib u furista Waddooyin u Go’doosan Al…

Madaxweynaha Dowlad Goboleedka Koonfur Galbeed Cabdicasiis Xasan Maxamed (Laftagareen) ayaa kulan looga hadlayey dar-dar gelinta xaqiijinta amniga iyo dib u furida wadooyinka ay go’doomiyeen Al-Shabaab ee Gobolka Bakool waxa uu la qaatay Saraakiisha Laamaha Amniga.

Kulanka Waxaa sidoo kale ka qeyb galay Wasiiru Dowlaha Arimaha gudaha dowlada Federaalka Aadan Abdinaasir Maxamed,  Wasiiro ka tirsan Dowlad Goboleedka Koonfur Galbeed  La taliyaha Madaxweynaha Arimaha Siyaasada Aadan Maxamed Nuur (Saransoor) iyo Taliyaha Qeybta 60aad ee xoogga dalka  General Maxamed Shiikh Cabdullaahi Ciirow.

Laftagareen ayaa saraakiisha ciidamada ka dhegeystay sida ugu haboon ee Al-shabaab looga saari karo jidadka u xiran ee gobolka, meeshana looga saari karo cuno-qabateynta ay ku hayaan shacabka gobolka Bakool.

Arrintan ayaa ka dambeysay markii ay soo baxeen cabashooyin isdaba joog ah oo ka soo yeeraya shacabka gobolka Bakool gaar ahaan magaalada Xudur ka dib markii Al-shabaab ay gubeen gaadiid raashiin u waday halkaas taasoo keentay in maciishada ay cirka gasho.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More