Labada aqal ee Somaliland oo ansixiyey gudoomiyaha cusub ee Maxkamadda Sare

Mareeg.com: Fadhi wadajir ah oo ay maanta ku yeesheen magaalada Hargaysa labada aqal ee uu ka koobanyahay barlamanka Somaliland ayay waxay cod aqlabiyad ah ku ansixiyeen gudoomiyaha cusub ee maxkamada sare ee Somaliland.

Garyaqaan Adan Xaaji Cali Axmed waxaa dhawaan jagadaasi u soo magacaabay Madaxweyne Axmed siilaanyo, kadib markii uu eryay gudoomiyihii hore ee maxkamada sare. Labada aqal ee u codeeyay ayaa kala ah golaha guurtida iyo golaha wakiilada.

Fadhigan wada jirka ah ee maanta waxaa gudoominaayay gudoomiyaha golaha guurtida Somaliland Saleman Maxamuud Adan iyo gudoomiyaha golaha wakiilada Cabdiraxman Maxamed Cabdillahi.

Waxaa soo xaadiray 122 xildhibaan, waxaa codkooda siiyay 110 xildhibaan, waxaa ka aamusay 11 xildhibaan cid diidayna ma jirin.

About A warsame 9751 Articles
Published by A Warsame .He can be reached by news@mareeg.com or Mobile :+447737886245