Laamaha Amaank oo Muqdisho kusoo bandhigay rag lagu sheegay Shabaab & hub

Mareeg.com: Wasaarada amniga Qaranka Xukuumadda Federaalka Soomaaliya ayaa maanta oo Sabti ah waxa ay oo bandhigtay 8-ruux oo la sheegay inay Al-Shabaab ka tirsan yihiin iyo hub ay wateen.

Afhayeenka Wasaarada Amniga Qaranka Xukuumadda Soomaaliya, Maxamed Yuusuf Cusmaan oo la hadlay Warbaahinta ayaa sheegay in 8-ruuxa ay yihiin Shabakad ka tirsan Ururka Shabaab oo dilal qorsheysan ka geysan jirtay Muqdisho.

Wuxuu sheegay in laga soo qabtay xubnahaan Degmada Afgooye ee Gobolka Shabeellaha Hoose, kadib howlgalo ay ciidanka nabad sugida iyo Sirdoonka Qaranka ee Dowlada Soomaaliya ka sameeyeen halkasi.

Maxamed Yuusuf ayaa sidoo kale sheegay in dadkaan hubka iyo qaraxyada Muqdisho ay kusoo gelin jireen gaadiid yar yar iyo gaari dameero balse laga hortagay oo gacanta lagu soo dhigay.

Ciidamada Nabadsugidda Soomaaliya ayaa marar badan soo bandhiga dhalinyaro la sheegay iney Alshabaab ka tirsan yihiin, hase ahaatee weerarada ayaa weli kasoo socda Muqdisho.

Mareeg Media

About A warsame 9751 Articles
Published by A Warsame .He can be reached by news@mareeg.com or Mobile :+447737886245