Koox Soomaali ah oo ka badisay koox Kubadda Koleyga ka ciyaarta Kenya * Mareeg.com somalia, World News and Opinion.
Mareeg Media
Somalia

Koox Soomaali ah oo ka badisay koox Kubadda Koleyga ka ciyaarta Kenya

Koox Soomaali ah oo ciyarta kubadda Kolayga ayaa xalay ka badisay kooxda kubadda kulayga ee Co-operative Bank oo ka mid ah kooxaha ugu sareeya horyaalka Kubadda Kolayga ee dalka Kenya.

kubada koleyga

 

Kulanka oo ahaa mid saaxibtinimo, waxaa ka qeyb galay taageerayaal u badnaa Soomaali, danjiraha safaaradda Soomaaliya ee dalka Kenya, ku xigeenkiisa iyo ganacsato Soomaaliyeed.

 

Kooxda Soomaalida ah oo ka timid Woqooyiga Ameerika (Canada iyo USA) ayaa awood sarreysay ciyaarta, waxayna soo bandhigeen ciyaar xirfad leh.

 

Ciyaarta ayaa ku soo dhammaatay 62:93 oo ay guusha ku raacday kooxda Soomaalida ah. Tababraha kooxdan Axmed Yaasiin

 

ayaa sheegay in dhallinyaradan oo u ciyaara jaamacado iyo kooxo ka dhisan Mareykanka iyo Canada ay yihiin kuwo awooda in ay badiyaan kulammada u harsan ee ay ka qeyb gali doonaan.

 

Danjiraha Soomaaliya u fadhiya dalka Kenya Jamaal Maxamed Xasan oo daawanayay ciyaarta ayaa saxaafadda u sheegay in wax lagu farxo ay tahay in dhallinyaro Soomaaliyeed oo xirfad sarreysa leh ay u soo baxaan waddankeena.

 

“Farxad ayay u tahay dadka Soomaaliyeed in ay arkaan dhallinyaro xirfaddaan leh oo guulo gaaraya, annaga safaarad ahaan aad ayaan u soo dhaweyneynaa” ayuu yiri danjire Jamaal.

 

Kooxdaan ayaa kulamo kale oo kooxeed ku yeelan doona dalka Kenya, ka hor inta aysan u bixin koxoda qaranka ee dalka Kenya toddobaadka soo socda.

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!