Kolonyo Amisom oo qarax lagula beegsaday wadada Afgooye * Mareeg.com somalia, World News and Opinion.
Mareeg Media
Somalia

Kolonyo Amisom oo qarax lagula beegsaday wadada Afgooye

Qarax miino ayaa duhurnimadii maanta waxaa Kolonyo is daba socotay oo ay lahaayeen Ciidamada AMISOM, waxaa lagula eegtay duleedka magaalada Muqdisho, gaar ahaan deegaanka Lafoole.

Wararka ayaa sheegaya in qaraxa oo ahaa miino kuwa meelaha fog fog laga hago, waxaana lala eegtay mid ka mid ah baabuurtii ay wateen ciidamada AMISOM, kaasoo ahaa gaari booyad ah.

Dad goob joogayaal ah ayaa sheegaya inay maqleen qarax xoogan, waxaana ciidamada AMISOM ay in muddo ah ku hakadeen halka qaraxa lagula eegtay.

Lama oga ilaa iyo hada qasaaraha ka dhashay qaraxan lala eegtay ciidamada AMISOM, iyadoo uu ku soo aaday xilli saaka weerar is qarxin ah uu ka dhacay nawaaxiga garoonka diyaaradaha, oo ah goob ay ilaaliyaan Ciidamada AMISOM.

Dhinaca kale Kolonyo ay la socdeen Ciidamada AMISOM ayaa lagu qaaday weerar jid gal ah, xilli ay marayeen duleedka magaalada Marka, waxaana la ogeyn qasaaraha ka dhashay weerarkaas.

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!