Kismaayo oo Askar cusub la geeyay

Read Time:41 Second

Mareeg.com-

Ciidamo ka socda Dowladda Burundi, kana mid noqonaya Howlgalka AMISOM qaybtiisa Kismaayo ayaa halkaas tagay, kuwaas oo si wacan loosoo dhaweeyay.

Ciidamadna oo tiradoodu ay gaareyso 75 Askari ayaa waxay hordhac u yihiin Ciidamo isla Dalka Burundi ka imaanaya oo loogu tala galay inay Magaalada Kismaayo ka howlgalaan.

Afhayeen u hadlay Maamulka Jubba oo lagu magacaabo Cabdinaasir Seeraar ayaa Warfidiyeenka u sheegay in Askartan timid la dajiyay Saldhig Magaalada ku yaala, isla markaana ay dhawaan sugayaan Ciidamo kale oo kusoo biira, si Tiradoodu ay Laba Boqol oo Askari u gaaraan.

Wararka ayaa sheegaya in Ciidankan ay daba socdaan Go’aan horay ay AMISOM u gaartay oo ahaa in Askar Burundi iyo Sierra Leon ka socda la geeyo Kismaayo, si Ciidanka Kenya ee halkaas Mudada joogay loogu wareejiyo Goobo kale oo ay ka howlgali doonaan.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %