Kismaayo: Amisom Oo Tababar Gaaban U Furtay 800 Askari Oo Taabacsan Maamulka Juba * Mareeg.com somalia, World News and Opinion.
Mareeg Media
Somalia

Kismaayo: Amisom Oo Tababar Gaaban U Furtay 800 Askari Oo Taabacsan Maamulka Juba

Kismaayo – Mareeg.com: Howlgalka nabad ilaalinta Midowga Afrika ee AMISOM qeybta magaalada Kismaayo ayaa ayaa in kabadan 800 askari oo ka tirsan maamulka KMG ah ee Jubba maanta tababar uga furay deegaanka Ma-dhammaato ee dhaca waqooyiga Kismaayo.

Tababarka waxaa bixinaya macalimiin ciidan oo Soomaali ah iyo kuwo ka tirsan ciidamada Kenya ee qeybta ka ah AMISOM.

Furitaanka tababarka ayaa waxaa ka qeyb-galay madaxweyne ku-xigeenka koowaad ee maamulka Jubba, Cabdullaahi Ismaaciil Fartaag, wasiirro iyo saraakiil katirsan maamulka.

Madaxweyne ku xigeenka koowaad ee maamulka Jubba Jen. C/laahi Sheekh Ismaaciil Fartaag ayaa ku booriyay ciidamada in ay u shaqeeyaan shacabka islamarkaana ka qeybqaataan howlgallada ka dhanka ah Xarakada Al-shabaab.

Wasiirka arrimaha gudaha ee maamulka Jubba, Maxamed Warsame Darwiish ayaa sheegay in tababarka kaddib uu ciidanku ka howlgali doono deegaannada maamulka ee ay ku sugan yihiin Al-Shabaab.

Tababrka oo socon doona 35 maalmood ayaa noqonaya kii ugu horreeyey ee ciidamada AMISOM ay u furaan ciidamo ka tirsan maamulka KMG ah ee Jubba.

Mareeg.com

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.