Kenya Oo Maxkamad Soo Taagtay Soomaali Loo Heysto Weerarkii Westgate * Mareeg.com somalia, World News and Opinion.
Mareeg Media
Somalia

Kenya Oo Maxkamad Soo Taagtay Soomaali Loo Heysto Weerarkii Westgate

Nairobi, Mareeg.com: Dalka Kenya waxaa maxkamad la horkeenay 4 Soomaali ah oo loo heysto iney xiriir la lahaayeen kooxdii bishii September ee sanadkii hore fulisay weerarkii xarrunta ganacsiga Westgate ee magaalada Nairobi, kaasoo lagu dilay 67 ruux.

Afarta nin ee maxkamadda la soo taagay ayaa waxay kala yihiin Aadan Maxamed Cabduqaadir, Maxamed Axmed Cabdi, Cabdullaahi Cumar iyo Xasan Mustafa.

Raggan oo lagu eedeeyay in ay xiriir la sameeyeen dableydii gaysatay weerarka Westgate oo lagu dilay 67 qof ayaa beeniyay eedeyntaas.

Afrataan eedeysane ayaa markii ugu horreysan kazoo muuqday maxkamad ku taalla Nairobi bishii November ee sanadkii 2013, waxaana lagu eedeeyey in ay gacan siiyeen urur argagixiso ah, ayna si sharci darro ah ku joogeen dalka Kenya.

Eedeysanayaasha ayaa beeniyey dacwadda loo heysto, hase ahaatee dowladda Kenya ayaa ku adkeysneysa iney wax ka ogaayeen weerarkii Westgate Mall.

Mareeg.com

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!