Kenya oo 5 ruux u maxkamadeyneysa weerarkii jaamacadda Gaarisa * Mareeg.com somalia, World News and Opinion.
Mareeg Media
Somalia

Kenya oo 5 ruux u maxkamadeyneysa weerarkii jaamacadda Gaarisa

Mareeg.com: Dowladda Kenya ayaa 5 ruux u maxkamadeynaysa weerarkii khasaaraha badan dhaliyay ee horraantii bishii hore ee April lagu qaaday Jaamacadda Gaarisa, ee Alshabaab sheegatay.

Shantaan ruux oo lasoo taagay Maxkamad ku taalla magaalada Nairobi ayaa Afar ka mid la sheegay inay yihiin Keenyaan, halka kan kalena uu yahay Tanzanian, waxaa lagu eedeeyay inay ku lug lahaayeen weerarkii lagu dilay 148-ka qof oo u badan ardayda.

Raggan ayaa iska diiday dhammaan eedeymaha lagu soo oogay, waxaana dacwad-oogaha uu Maxkamadda ka sheegay illaa 162 dambiyo argagixisonimo ah, iyagoo noqonaya shaqasiyaadkii ugu horreeyay oo weerarka Jaamacaddii Gaarisa loosoo taago maxkamad.

Magacyada dadkii lagu dilay Weerarkaas oo u badnaa Arday ayaa Maxkamadda laga akhriyay, sida ay soo warisay Wakaaladda Wararka AFP.

Garsoorasha Maxkamadda Daniel Ogembo ayaa sheegay in dadkan lagu sii haynayo Xabsiga illaa 11 bisha June ee sannadkan, xilligaasoo dib la isugu soo laaban doono dhageysiga dacwada.

Xarakada Al-shabaab ayaa sheegatay mas’uuliyadda weerarkan, iyadoo la xiriirisay Joogitaanka Ciidamada Kenya ee Qaybta ka ah AMISOM iyo Dhibaatooyinka ay ka Geystaan.

Weerarkii Jaamacadda Gaarisa ayaa ah kii ugu dhimashada badnaa ee Al-shabaab ka Geysato Gudaha dalka Kenya.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!