Jubbaland iyo P/Land oo shuruudo ku xiay ka qeyb galka Shirka Muqdisho * Mareeg.com somalia, World News and Opinion.
Mareeg Media
Somalia

Jubbaland iyo P/Land oo shuruudo ku xiay ka qeyb galka Shirka Muqdisho

Dowlad Goboleedyada Jubbaland iyo Puntland ayaa waxaa la sheegay inay shuruudo hor leh ku xireen ka qeyb galka Shirkii uu ku baaqay Madaxweynaha muddo xileedkiisu dhammaaday ee Maxamed Cabdullaahi Farmaajo ee dib u dhaca uu ku yimid.

Madaxweyneyaasha Axmed Maxamed Islaam Axmed Madoobe iyo Saciid Cabdullaahi Deni ayaan weli soo gaarin Caasimadda dalka Muqdisho, si ay uga qeyb galaan Shirka uu baaqay Farmaajo ee la filayay inuu qabsoomi intii u dhexeeysa 18-19-ka Febraayo.

Warar la helayo ayaa sheegaya in shuruudaha ay ku xireen Madaxda labada maamul ka qeyb galka shirka ay kamid yihiin inay doonayaan in shirka uu ku baaqay Farmaajo lagu qabto Xerada Xalane iyo in aysan kalsooni ku qabin tegitaanka Caasimadda dalka.

Sidoo kale Axmed Madoobe iyo Saciid Deni ayaa la sheegay inay dalbadeen in shirka lagu saxiixayo qodobada heshiiskii looga gaaray Shirkii Guddiga Farsamada ee Baydhabo ay goobjoog ka noqdaan Wakiilada Beesha Caalamka.

Maamulada Puntland iyo Jubbaland ayaa horey shuruudo dhowr ah ku xiray ka qeyb galka shirar looga hadlayay doorashada dalka ka dhaceysa, iyagoona ah isbaheysi kasoo horjeeda Madaxweynaha muddo xileedkiisa dhammaaday ee Maxamed Cabdullaahi Farmaajo.

Si kastaba Jubbaland iyo Puntland ayaa horey Madaxda dowladda ee waqtigoodu idlaaday ka dalbaday in Ciidanka dowladda Federaalka ee lagu daabulay Gobolka Gedo ee Jubbaland laga soo saaro, si halkaas  ay uga dhacdo doorashada Baarlamaanka.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.