Jen. Qaafow: Alshabaab ma awoodaan iney naga celyaan degmada Jalalaqsi

Read Time:1 Minute, 3 Second

Mareeg.com: Taliyaha ciidamada milateriga Soomaaliya, qeybta 12-ka April, Jen. Maxamuud Maxamed Xasan Qafow ayaa sheegay in ciidamada Soomaaliya iyo kuwa AMISOM ee shalay la wareegay deegaanka Fiidow ee Shabeellaha Dhexe ay ku jiheysan yihiin degmada Jalalaqsi ee gobolka Hiiraan.

Jen. Qaafow oo la hadlay VOA ayaa xusay iney labo jiho ka gelayaan degmada Jalalaqsi, wuxuuna xusay in milateriga Soomaaliya uu garab ka helayo ciidamada AMISOM, gaar ahaan kuwa ka socda dalka Burundi.

“Waxaan ku suganahay deegaanka Fiidow, waxaana dhanka Mahadaay iyo Ceelbaraf iyo Caadley ka geli doono labo ciidan, waxeyna isugu tegi doonaan Jalalaqsi” ayuu Qaafow u sheegay VOA.

Wuxuu sheegay Qaafow in Alshabaab-kii ku sugnaa xadka Hiiraan iyo Shabeellaha Dhexe ukala baxsadeen deegno miyi ah oo hoostaga degmada Wanlaweyn ee Shabeellaha Hoose iyo degmada Ruuringood ee gobolka Shabeellaha Dhexe.

“Shabaab waxaan ku xaaqeynaa fargeeto, awoodna uma laha iney hor-istaagaan awoodeena, waxeyna u kala carareen dhanka galbeed oo ah deegaano howd ah oo hoos yimaada Wanlaweyn iyo deegaano hoos yimaadda Ruunirgood” ayuu sidoo kale yiri Jen. Qaafow.

Jalalaqsi waa degmada ugu wayn ee gobola Hiiraan ee weli gacanta ugu jirta Al-shabaab. Howlgalka Badweynaya Hindiya ayaa si toos ah uga bilowday gobollada Shabeellaha Dhexe iyo Shabeellaha Hoose, waxaana Alshabaab laga saaray dhowr tuulo.

Mareeg Media

About Post Author

A warsame

Published by A Warsame is senior Editor and managing Director of Mareeg Media Whatup :+447737886245
Happy
Happy
0 0 %
Sad
Sad
0 0 %
Excited
Excited
0 0 %
Sleepy
Sleepy
0 0 %
Angry
Angry
0 0 %
Surprise
Surprise
0 0 %