Jen. Mukhtaar oo si KMG loogu wareejiyay xilka Taliyaha Booliska Soomaaliya (Sawirro) * Mareeg.com somalia, World News and Opinion.
Mareeg Media
Somalia

Jen. Mukhtaar oo si KMG loogu wareejiyay xilka Taliyaha Booliska Soomaaliya (Sawirro)

November 02 (Mareeg.com)— Munaasabad ka dhacday Dugsiga Tababarka Booliska ee Jen. Kaahiye ayaa waxaa xilkii Taliyenimo ee Booliska si KMG ah loogu wareejiyay Jen. Mukhtaar Xuseen Afrax oo wixii hada ka dambeeya ay ka amar qaadan doonaan Ciidanka Booliska.

Taliyihii hore ee Booliska Jen. C/xakiin Dahir Saciid (Saacid) oo Axadii la soo dhaafay ay xilka ka qaadeen Golaha Wasiirada ayaa xilka ku wareejiyay si KMG ah ugu wareejiyay Jen. Mukhtaar oo ahaa Taliye kuxigeenka 1aad ee Booliska.

Jen. Saacid ayaa ku amaanay Jen. Mukhtaar inuu yahay nin howlkar ah, isla markaana muddo ka soo shaqeynayay howlaha ciidanka.

Kusimaha Taliyaha Ciidanka Booliska ahna Taliye kuxigeenka Jen, Mukhtaar Xuseen Afrax ayaa sheegay inuu halkeeda ka sii wadayo shaqadii Booliska, waxaana uu faray Hoggaanada kala duwan ee Ciidamada inay shaqadooda sii wataan.

Waxaa lagu wadaa in dhowaan Taliye cusub la soo magacaabo, waxaana xilka Taliyaha Booliska ugu jira loolan Saraakiil ciidan oo horay xilal u soo qabtay.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!