Jawaari oo ka hadlay xiliga dib loo dhisayo Xarunta Golaha shacabka & lacagta ku baxaysa — Mareeg.com somalia, World News and Opinion.
Mareeg Media
Somalia

Jawaari oo ka hadlay xiliga dib loo dhisayo Xarunta Golaha shacabka & lacagta ku baxaysa

Guddoomiyaha Baarlamaanka federaalka Soomaaliya Maxamed Cusmaan Jawaari ayaa soo bandhigay qorshe cusub oo lagu dhisayo guriga baarlamaanka oo ku burburay dagaaladii sokeeye.

Jawaari oo ka hadlayay barnaamij si toos ah uga baxayay talefishinka dowladda ee SNTV ayna kasoo qeybgaleen dad badan ayaa la weydiiyay sababta muddo sanooyin badan ah loo dhisi la’yahay.

“Gurigaas waa guri sharaf leh, magaciisa waxaa la yiraahdaa Golaha Ummadda, wuxuuna mudan yahay inuu yeesho guri u dhigma meqaamkiisa oo magaalo madaxda ka dhex muuqda, lacag badan ayuu u baahanyahay, waxaa isweydiin mudan sababta aan u dhex fadhino isaga oo jajaban” ayuu yiri Jawaari.

Waxaa uu intaasi ku daray in xikmaddu tahay in maadaamaa ay dadka Soomaaliyeed burburiyeen, in ay ku waano qaataan, maalin kastana ay xusuus u noqoto marka ay burburkiisa arkaan, si aanan markale loo burburin, isaga oo xusay in sida gurigaas uu u burburay, dadkuna maskaxdooda u burburtay.

Jawaari wuxuu sheegay in guriga gabi ahaantiisa la burburin doono, baarlamaankana u guuri doono meel kumeelgaar ah oo uu ku sii shaqeeyo, ka dibna la bilaabi doono dhismaha guriga.

“Bilowga sanadka soo socda dumin ayaa lagu bilaabi doonaa, lacag badan ayuu u baahan yahay, wajiga koowaad oo kaliya waa $60 milyan oo dollar, 7 dabaq ayuu noqonayaa oo xildhibaan kasta uu xafiiskiisa gaarka ah leeyahay, shirarka adduunkana lagu qabanayo, illaa 100 milyan waa gaaraysaa lacagta ku baxeysa, hadda ma hayno lacag, balse alle mahadiis dowladda Turkiga ayaa ogolaatay inay bixiso” ayuu yiri Prof Jawaari.

Get real time updates directly on you device, subscribe now.

Find a Job.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!