Jabuuti oo ciidamo & saraakiil sarsare oo dheeraad ah u direysa Soomaaliya * Mareeg.com somalia, World News and Opinion.
Mareeg Media
Somalia

Jabuuti oo ciidamo & saraakiil sarsare oo dheeraad ah u direysa Soomaaliya

Jabuuti – Mareeg.com: Jamhuuriyadda Jabuuti, ayaa shaacisay inay si degdeg ah ciidammo iyo saraakiil sar-sare u dirayso Soomaaliya, si ay u xoojiyaan ciidammada halkaas hore uga joogay ee qaybta ka ahaa hawlgalka AMISOM.

Jamhuuriyadda Jabuuti ayaa sheegtay inay ciidamo dheeraad ah u soo dirayso Soomaaliya si ay qayb uga noqdaan ciidamada ka jooga Soomaaliya oo ka mid ah ciidamada Midowga Afrika ee AMISOM, kuwaasoo ay sheegtay inay qayb muhiim ah ka qaadan doonaan sugidda ammaanka dalka Soomaaliya iyo la-dagaallanka lagula jiro Al-Shabaab oo dagaal kula jirta dawladda Soomaaliya iyo xulufadeeda.

Madaxweynaha Jamhuuriyadda Jabuuti, Ismaaciil Cumar Geelle, ayaa hadalkan ka sheegay shir uu la qaatay wafdi ka socday Golaha Ammaanka iyo Nabad-galyada Midawga Afrika oo booqasho ku jooga Jabuuti.

Sida ay qortay wakaaladda wararka Antolia ee dalka Turkiga, sarkaal u hadlay madaxtooyadda Jabuuti ayaa u in dowladdiisu ay Soomaaliya u diri doonto ciidammo dheeraad ah iyo saraakiil caawinaya, kuwaasoo qayb ka noqon doona howlgalka AMISOM.

“Waxaan go’aansannay in saraakiil sare iyo cidammo Jabuutiyaan ah aan u dirno Soomaaliya si ay cidammadayda u caawiyaan” ayaa lagu qoray war kazoo baxay madaxtooyada Jamhuuriyadda Jabuuti.

Jamhuuriyadda Jabuuti ayaa waxaa dalka Soomaaliya, gaar ahaan magaalooyinka Baledweyne iyo Buulo-barde ka joogaa ilaa 1000 askari, kuwaasoo dagaal kula jira Alshabaab.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!