Itoobiya oo Xudur u dirtay ciidamo Alshabaab kula dagaallama wadooyinka

Xudur – Mareeg.com: Ciidamo Itoobiyan oo qeyb ka ah AMISOM ayaa gaaray magaalada Xudur ee gobolka Bakool, iyagoo ka ambabaxay deegaanada xadaka ee ay wadaagaan Soomaaliya iyo Itoobiya.

Sida laga soo xigtay saraakiil ka tisan maamulka degmada Xudur, ciidamadan ayaa loogu talagalay iney furaan wadooyinka ay xireen Alshabaab ee gala magaalada Xudur.

Alshabaab ayaa go’doomiyey magaalada Xudur, kadib markii ay kala wareegeen ciidamada dowladda Soomaaliya iyo kuwa AMISOM, waxeyna ganacsatada iyo gaadiidka u diideen iney magaaladaas geeyaan wax kasta ee lagu noolaado.

Maciishada magaalada Xudur ayaa noqotay mid adag, maadaama aysan todobaadyadii tegay gaarin wax gaadiid ganacsi sida ah, waxaana halkaas loo diray ciidamo gaar ah oo la dagaallamaya kooxaha Shabaabka ka tirsan ee xayiraadda saaray magaalada.

Mareeg Media

About A warsame 9751 Articles
Published by A Warsame .He can be reached by news@mareeg.com or Mobile :+447737886245