Read Time:46 Second
Diyaaradaha dagaalka dalka Israel ayaa axadii duqeymo u geystay labo goobo ku yaal magaalada Dimishiq ee caasimada dalka Siiriya, sidaas waxaa lagu sheegay war rasmi ah oo ka baxay dowladda Ruuriya.
Sida lagu sheegay warka kasoo baxay dowladda Suuriya, duqeynta Israel ayaa beegsatay garoonka diyaaradah magaalada Dimishiq iyo deegaan lagu magacaabo Dimas.
War kasoo baxay ciidamada dalka Suuriya ayaa lagu sheegay in weerarka Israel qeyb ka yahay taageero iyo niyad dhis loo sameynayo kooxaha loogu yeeray Argagixisada.
Dowladda Suuriya ayaa labo warqadood u kala dirtay Golaha Amaanka ee Qaramada Midoobay iyo Xoghayaha Guud ee Qaramada Midoobay, iyadoo ka cabatay weerarka Israel.
Mas’uuliyiin ka tirsan dowladda Israel ayaa diiday iney ka hadlaan weerarka ay ku qaadeen dalka Suuriya.
Weerarka ayaa loo badinayaa in Israel ku beegsatay saldhigyo ay ku xirnaayeen gentaalo dheereeya oo Raashiya soo saartay.
Si kastaba, Suuriya ayaa sheegtay iney xaq u leedahay iney weerarka Israel uga jawaabto waqtiga munaasibka ah.
Mareeg Media
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %