Human Rights Watch: Dhaqanka ciidanka Kenya wuxuu dhiirigelinayaa ku nabadda diidan * Mareeg.com somalia, World News and Opinion.
Mareeg Media
Somalia

Human Rights Watch: Dhaqanka ciidanka Kenya wuxuu dhiirigelinayaa ku nabadda diidan

Nairobi – Mareeg.com: Hay’ado dhowr ah oo u dooda Xuquuqa Aadanaha ayaa ka digniin ka bixiyey sdia ciidamada Kenya ula dhaqmaan dadka Soomaalida ah ee ku sugan magaalada Nairobi.

Hey’adda Human Rights Watch oo ka mid ah hay’adaha soo saaray digniintaan ayaa sheegtay in dowlada Kenya ay sii kordhineyso dhiirigelinta dadka diidan nabada, waxeyna Kenya ugu baaqaday iney xakameyso hab-dhaqanka ciidankeeda.

“Ciidamada Kenya ayaa joogteeya cadaadiska dadka jilicsan oo ay ugu horeyaan Soomaalida sababtuna ma ahan in Kenya ay raadineyso nabad u gaar ah, nabadu waxa ay ku jirtaa la dhaqanka bulshada, Soomaaliduna arinkaasi door muuqda ayeey ku leeyihiin, dowlada Kenya waa iney dib u eegtaa dhaqdhaqaaqa ay wadaan ciidamadeeda” ayaa lagu yiri warbixinta ay soo saartay hey’ada Human Rights Watch

Digniintan ay soo saareen ilaa dhowr hey’adood oo dhinaca xuquuqul insaanka ah ayaa lagu xusay in ciidamada Kenya ay xaafada Islii ku tilmaamaan in ay tahay barta lacagaha laga helo, tasoo ay sabab uga dhigeen musuqa hareeyay hey’adaha Kenya iyo mushaar la’aanta heysata ciidamada.

Dhinaca kale, talafishanka caalamiga ee Al-Jazeera ayaa qoray warbixin uu uga hadlaayo howgalada ciidamada Kenya ay ka wadaan magaalada Nairobi gaar ahaan xaafada ay ku badan tahay Soomaalida ee Easteigh.

Wariyaha warbixintan qoray ayaa leh tan iyo markii uu billowday howgalka waxaa aad u yaraaday socdka waddooyinka xaafadda Islii, waxaa kaloo yaraaday dadkii imaan jiray goobaha lagu shaaxo ee halkaas ku caweyn jiray.

Goobaha qaadka lagu cuno ayaa noqday kuwa haawanaya, sidoo kale waxaa yaraaday dadka imaan jiray goobaha muusiga lagu cayaaro.

Qaar ka mid ah Soomaalida ku dhaqan Islii ayaa la hadlay saxaafadda, waxaana ay sheegeen in iyagoo leh sharci ama ID Card in laga qaado lacago baad ah ama la dhaho waa la idiin xiraa,

“Ma rabaan booliska ID Card ama warqadda sharciga oo waxaa lagu weyndiin laaluush haddii kale waa lagu xirayaa” ayuu yiri mid ka mid ah Soomaalida ku dhaqan Kenya.

Dowlada Kenya ayaa dhegaha ka fureysatay baaqyada kaga imaanaya hey’adaha caalamiga ah ee u dooda xuquuqda aadanaha, iyadoo ay jiraan dad badan oo ay dhibaato xoog leh iyo xad gudub u geysteen ciidamada Kenya.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!