Heshiiska dowladda Federaalka & Puntland oo lasoo dhaweeyey

Read Time:1 Minute, 8 Second

Garowe, 14 October 2014 – Qaramada Midoobay, Urur Goboleedka IGAD iyo Itoobiya oo ah Gudoonka Golaha Wasiirada IGAD, iyo Midowga Yurub (EU) ayaa si wadajir ah u soo dhoweeyay heshiiska maanta ay kala saxiixdeen Dowladda Federaalka Soomaaliyeed iyo Dowladda Puntland ee Soomaaliyeed si ay dib ugu soo celiyaan xiriirkooda ugana wada shaqeeyaan arrimaha nabadda iyo howlaha kale ee muhiimadda u leh qaran dhisidda.

“Waxaan soo dhoweyneynaa heshiiska maanta ay wada gaareen Dowladda Federaalka Soomaaliyeed iyo Dowlad Puntland ee Soomaaliyeed. Heshiiskan waa tallaabo muhiim ah oo horay loogu qaaday dhishidda nabadda taas oo dan u ah dhamaan umadda Soomaalida. Dowladda Puntland oo leh waaya aragnimo gaareyso 16 sano, waaya aragnimadaas oo ku saleysan qaran dhisidda iyo maamul wanaaga ayaa kaalin weyn ka qaadan karto sidi loo dhisi lahaa Soomaaliya oo xoog leh, nabad ah, ku shaqeeyo nadaamka federaalka, demoqoraadi ah, oo mideysan.

Waxaa loo baahanyahay in si wadajir ah loo qaado tallaabooyin muhiim ah bilaha soo socdo, tallaabooyinkaas oo ay kamid yihiin dib-u-eegista iyo hirgelinta Dastuurka Federaalka ah iyo sidi doorasho loo qaban lahaa sanadka 2016. Waxaan diyaar u nahay in aan taageerno hirgelinta heshiiskaan annagoo u mareeyno Qorshaha Hiigsiga Cusub ee Soomaaliyeed.

Saaxiibada Soomaaliyeed ee ka socdo caalamka waxaa ka go’an in ay taageeraan hadafka wadanka Soomaaliyeed ee ku aadan soo celinta nabadad iyo qaran dhisidda ayaga oo xurmo buuxdo siinaayo  Dastuurka Federaalka Soomaaliyeed.”

DHAMAAD.

About Post Author

A warsame

Published by A Warsame is senior Editor and managing Director of Mareeg Media Whatup :+447737886245
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %