Hayadda Diyanet Ee Turkiga Oo Taageereysa Wasaaradda Arrimaha Diinta Soomaaliya

Read Time:1 Minute, 19 Second

Ankara – Mareeg.com: Safiirka Soomaaliya u fadhiya dalka Turkiga Danjire Maxamed Mursal Sheekh C/raxmaan ayaa iyo madaxa hay’adda ugu sareysa xaga diinta dalka Turkiga Diyanet, Mehmet Gormez ayaa ku kulmay Turkiga, iyagoo ka wada hadlay arrimo hay’adaas ku taageereyso dowladda Soomaaliya.

Kulankan oo u jeedadiisu aheyd dardargelinta iyo adkeynta xiriirka Wasaaradda Awqaafta iyo arrimaha Diinta Dowladda Federaalka Soomaaliya iyo Hay’adda ugu sareysa Diinta dalka Turkiga ayaa waxa uu dhexmaray Danjire Maxamed Mursal Sheekh C/raxmaan Safiirka Soomaaliya u fadhiya Turkiga iyo Madaxa Hay’adda Dayanet, Mehmet Gormez ayadoo labada mas’uulna ay ka wada hadleen sida xiriirkaasi iyo wada shaqeynta loo hormarin karo.

Labada dhinac ayaa qaatay wadahal qaatay muddo saacad ah, waxaana la isku afgartay qodobada kala ah:

1- In Ra’isulwasaare ku xigeen ahna Wasiirka Awqaafta iyo arrimaha Diinta Soomaaliya wafdi sare oo uu hogaaminayo ay booqasho ku tagaan dalka Turkiga.

2- In tababar loo fidiyo dhammaanba howlwadeennada Wasaaradda Awqaafta iyo Arrimaha Diinta Soomaaliya si laamaha kala duwan ee Wasaaraddu ay u noqdaan kuwo hormarsan.

3- In Hay’adda ugu sareysa xaga Diinta dowladda Turkiga ee Diyanet ay ka taageerto Wasaaradda Awqaafta iyo Arrimaha Diinta Soomaaliya hormarinta iyo casriyeynta howlaha Wasaaradda.

Xoghayaha Koobaad ee Safaaradda Soomaaliya dalka Turkiga C/qaadir Maxamed Nuur (Jaamac) ayaa sheegay in qodobadii lagu ballamay hirgelintooda ay u xilsaarantahay Safaaradda islamarkaana arrimahan lasii ambaqaadi doono marka Wafdiga Ra’isulwasaare ku xigeenka hogaaminayo ay tagaan dalkaasi Turkiga.

Hay’addan Diyanet ayaa iminka howlo ka qabata caasimadda Soomaaliya ee Muqdisho, iyadoo raageero u fidisa qaar ka mid ah ardayda jaamacadaha ee abrta diinta Islaamka.

Mareeg.com

About Post Author

A warsame

Published by A Warsame is senior Editor and managing Director of Mareeg Media Whatup :+447737886245
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Instagram did not return a 200.