Halkee noqon doonta xarunta maamulka Koonfur Galbeed ee Soomaaliya? * Mareeg.com somalia, World News and Opinion.
Mareeg Media
Somalia

Halkee noqon doonta xarunta maamulka Koonfur Galbeed ee Soomaaliya?

Guddiga farsamada ee maamul u sameeynta gobolada Koofur Galbeed Soomaaliya  ayaa shaaciyay in degmada Baraawe ay tahay caasimada maamulka Koofur Galbeed.

Afhayeenka guddiga farsamada maamulka saddexda gobol Siyaad Shiikh Daahir ayaa sheegay in ergooyinka dhismaha maamulka iyo guddiga farsamada ay isku raaceen in xarunta maamulka ay noqoto magaalada dekadda leh ee Baraawe oo ka mid ah degmooyinka gobolka Shabellaha Hoose.

Magaalada Baydhabo iyo Baraawe ayaa maanta laga taagay calanka uu yeelanayo maamulka saddexda gobol ee Bay,Bakool iyo Sh/hoose.

Lama oga sababta keentay in degmada Baraawe loogu aqoonsado inay noqoto caasimad maamul goboleedka iyadoo la ogyahay in magaalooyinka Baydhabo,Marka iyo Xudur ay yihiin magaalo madaxyada saddexda gobol ee Bay,Sh/hoose iyo Bakool.

Degmada Barawe ayaa waxa ay ka mid tahay degmooyinkii ugu dambeeyay ee ay ciidamada dowlada la wareegeen, waxayna u ahayd xarun ururka Alshabaab iyadoo halkaa weerar ay ciidamada gaarka ah ee Maraykanka ku soo qaadeen intii ay haysteen ururka Alshabaab,

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!